Föstudaginn 9. október n.k. frumsýnir Hornfirska skemmtifélagið sýninguna POPP & KÓK Hótel Höfn.  Þetta er áttunda haustverkefni Hornfirska skemmtifélagsins á Hótel Höfn en áður hefur félagið sett upp sýningarnar Slappaðu af!, Með allt á heinu, Diskó, Rokk í 50 ár, American Graffiti, Eitís og Bítl.  Auk þess hefur félagið staðið fyrir blúshátíðinni Norðurljósablús árin 2006, 2007 og 2008.

 

Í sýningunni verða mörg af þekktustu lögum kvikmyndasögunnar flutt af hornfirsku tónlistarfólki.

Í tengslum við sýninguna er boðið upp á glæsilegan þriggja rétta kvöldverð og stórdansleik. Einnig er sértilboð á gistingu á Hótel Höfn fyrir sýningargesti.

Sérstakt pakkatilboð fyrir vinnustaðahópa, saumaklúbba o.s.frv.

Frumsýning - föstudaginn 9. október
2. sýning - laugardaginn 17. október
3. sýning - laugardaginn 24. október
4. sýning - laugardaginn 31. október

Miðapantanir og nánari upplýsingar á Hótel Höfn í síma 478-1240.